2020-mi ukiup affaani siullermi 2019-imut ukiup affaanut siullermut naleqqiullugit kinguppaat, qalerallit saarulliillu akii appariarput.

Kalaallit Nunaanni Naatsorsueqqissaartarfiup aalisakkat akiinut naleqqersuutit 2020-mi ukiup affaanut siullermut tunngasut saqqummersippai. Aalisakkat pineqartut tassaapput kinguppaat, qalerallit saarulliillu tunisassiat, 2010-mut oqimaalutarneqartut.

 

Agguaqatigiissillugu kiilumut akinik naleqqersuutinik naatsorsuinermi nunatta avammut niuernerani akit annertunerusumik atorneqarput, ilaatigut tunisassiortut anginerit akigititaannik tapertaqartarlutik. Tassa akinik naleqqersuutit Kalaallit Nunaanniit annissinermi akigitinneqartoq atorneqarluni.

 

Aalisakkat naleqqersuinermi taaneqartut oqimaassusiisa katinneri 2010-mi oqimaalutaaneq malillugu oqimaalutarineqarput. Taamaasilluni naleqqersuummut oqimaalutaq aaliangersimasoq Laspeyres-mik taaneqartartoq atorneqarluni.

 

Ukiup affaani siullermi aalisakkat pineqartut akiinut naleqqersuut (2010=100)

Najoqqutaq: Naatsorsueqqissaartarfik – Kisitsisaataasivimmi kisitsisit takukkit http://bank.stat.gl/FIN009

 

Aalisakkat akii agguaqatigiissillugu 2019-imi ukiup affaani siullermiit 2020-mi ukiup affaanut siullermut ima nikeriarsimapput:

 

·         Kinguppaat akii 16 procentinik appariarput.

·         Qalerallit akii 5 procentinik appariarput.

·         Saarulliit akii 3 procetinik appariarput.

 

Kalaallit Nunaanni Naatsorsueqqissaartarfiup nittartakkamini http://bank.stat.gl/FIN009 –mi tamanut saqqummiussaani naleqqersuutit ineriartorneri takuneqarsinnaapput.